طريقة عمل السمك البوري مشوي بالزيت

[لهاليبو]

طريقة السمك البوري مشوي بالزيت
كيلو سمك بوري متنظف من الداخل بس قشرته موجوده
بصل مقطع حلق
طماطم مقطعة صغير جدا
ثوم و ليمون
وملح و فلفل اسود وشطة
بنجهز الخلطة بتاعة السمك و هي البصل و الثوم و الطماطم وفلف اخضر لو عايزة او بقدونس ونرش عليهم الملح و الفلفل و الشطة و نقلبهم
و نحشي بيهم قلب السمكة من الداخل و نقفلها ثاني
ثم نحضر طاسة للشوي يكون استخدامها للشوي بس السمك
و شوية زيت نمسح بيهم الطاسة ونضعها علي النار
تسخن
ثم نحضر السمك و نضعه في الزيت و نقلبه ثم ناخد السمكة بس ميبقاش الزيت كثير مسحة عليه كده
و نضعه في الطاسة و يشوي الي ان يستوي السمك ثم نرش عليه بعد ما يستوي علي طول الملح و الشطة و الفلفل الاسود و نعصر اليمون و نغطي عليه بسرعة علشان لما نغطي عليه السخنية تسهل شيل قشرته عند الاكل
و بيكون احلي من الشوي بالرده لان ده بالزيت وبيدي له طعم مختلف
و الصور اهه علي ما قسم


بعد ما حشيت السمك بالخلطة و مسحت عليه بالزيت و الطاسة فيها رشة زيت بسيطة جدا
نقلب فيه بعد كده اول ما يستوي

نقلب السمكة من جميع الجهات علشان ينشف من دمه و يستوي كويس



الملح و الكمون و الشطة و الفلفل الاسود و اليمون نجهزهم

كده قرب خلاص يتشوي





كل اللي يتشوي ارش عليه الحباش و اعصر ليمون و نغطي عليه

و كده السمك كله اتشوي



يقدم مع الرز
رز السمك المشوي بالزيت انا بحمر البصلة في شوية زيت
و بعدين اضيف لها شوية طماطم و ملح و فلفل اسود و كمون
و اضع معيار ميه الرز و بعدين اضع الرز الي ان يستوي
و بعمل طحينه بيتي
عبارة عن حوالي 3 ملاعق سمسم و معلقة دقيق
بس الاول احمص السمسم علي النار
و بعدين بالمطحنة اضعهم يطحنوا ناعم جدا
واطحن بعدهم شوية سوداني بدون قشر
و اضع عليهم الزيت في الخلاط يمتزجوا مع بعض
و بعدهم اجهز سلاطة الطجينة ممكن بشوي البذنجان بعد ما اضع علي الطجينة الليمون و الملح و الكمون اضع البذنجان
او بدون بذنجان زي كده







وده الرز
اتمني ان الطريقة تعجبكم

[بيرو]

ماشاءالله عليكِ ياقلبى
والله طريقة مافى أسهل منها
وشكل السمك رااااائع وشهى
تسلم الايادى يالهاليبو
وبانتظار داااااااائم لأكلاتك ووصفاتك الشهية

[لهاليبو]

اقتباس   المشاركة الأصلية كتبت بواسطة بيرو ماشاءالله عليكِ ياقلبى والله طريقة مافى أسهل منها وشكل السمك رااااائع وشهى تسلم الايادى يالهاليبو وبانتظار داااااااائم لأكلاتك ووصفاتك الشهية

تسلمي لي يا بيرو حبيبتي ولا يحرمني من طلتك دائما و كلامك الجميل اشكرك جدا

[ام فاروق]

وووا من اروع ما يكون سهله
بشكرك من صميم قلبي

[شوشيت]

تسلم الايادى يالهاليبو
لأكلاتك ووصفاتك الشهية
والله تفتح النفس
شكرا حبيبتى

[لهاليبو]

اقتباس   المشاركة الأصلية كتبت بواسطة ام فاروق وووا من اروع ما يكون سهله بشكرك من صميم قلبي

وانا بشكرك ام فاروق علي حضورك وردك الكريم فانت الاروع

[لهاليبو]

اقتباس   المشاركة الأصلية كتبت بواسطة شوشيت تسلم الايادى يالهاليبو لأكلاتك ووصفاتك الشهية والله تفتح النفس شكرا حبيبتى

دا انت اللي فتحتي نفسي بكلامك الحلو ده شاكرة لك تواجدك اللي زاد الموضوع نور

[فراشه فلسطين]

والله يا لهاليبو نفسي بسمك
بس المشكله مش بدخلو البيت خالص
زوجي مش بيحبو
بس ححاول ابقى اعملو ليه لوحدي
تسلم ايدك يا قمر
مشكوره يعطيكي مليون الف عافيه
تاعبينك معانه

[رانا]

[لهاليبو]

اقتباس   المشاركة الأصلية كتبت بواسطة فراشه فلسطين والله يا لهاليبو نفسي بسمك بس المشكله مش بدخلو البيت خالص زوجي مش بيحبو بس ححاول ابقى اعملو ليه لوحدي تسلم ايدك يا قمر مشكوره يعطيكي مليون الف عافيه تاعبينك معانه

اهلا بيك فراشة فلسطين و اتفضلي معانا احنا بقي اكثر حاجة يحبها زوجي السمك لو ينفع نحلي بالسمك كان يحلي لانه
اسكندراني واكثر اكلة يفضلها السمك نورت صفحتي بمرورك