::.. الرئيسية ..:: ::.. المنتديات ..:: ::.. التسجيل ..::

   
   


 
العودة   ست ستات - 6STAT.com > انـــاقـــة ست ستات > بيوتى سنتر ست ستات > العناية بالشعر و تصفيفه
 


وصفات "رانيا موسى" لعلاج مشاكل الشعر

العناية بالشعر و تصفيفه


إنشاء موضوع جديد  إضافة رد
 
أدوات الموضوع انواع عرض الموضوع
قديم 14-06-2010, 12:40 PM رقم المشاركة : 1 (permalink)
معلومات العضو
سومـ سندريلاـا
(( مراقبة عامة ))

إحصائية العضو









 
اوسمة العضو
 
الاولى فى الأسبوع الاول

شكر من الاداره

الفائزه الثانيه


مـجـمـوع الأوسـمـة: 3...) (الـمـزيـد»

سومـ سندريلاـا غير متواجد حالياً


 

افتراضي وصفات "رانيا موسى" لعلاج مشاكل الشعر




وصفات "رانيا موسى" لعلاج مشاكل الشعر
خبيرة التجميل رانيا موسى تتحدث عن الروتين اليومي للحفاظ على البشرة

الموضوع اللي فات عرفنا مع بعض ماسكات كتيرة لعلاج مشاكل البشرة المختلفة اللي كنتم دايماً بتشتكوا منها..

وفي موضوع النهارده هنكمّل مع بعض وصفات "رانيا موسى" خبيرة التجميل بالأعشاب والمواد الطبيعية اللي نصحت بها لعلاج مشاكل الشعر المختلفة..

الأفوكادو لنقاء البشرة وتغذية الشعر
الأفوكادو ثمرة مفيدة جداً للبشرة؛ لأنها بتضيف حيوية ونضارة على البشرة وبترطبها وبتمنع الشوائب من إنها تدخل في مسام البشرة، وبالنسبة للشعر فالأفوكادو يعتبر علاج للشعر الجاف والمجعد؛ لأنه بيحتوي على نسبة كبيرة من الفيتامينات اللازمة للشعر، وتقدري تجيبي "الأفوكادو" من السوبر ماركت الكبيرة أو من منافذ بيع وزارة الزراعة..
وصفات "رانيا موسى" لعلاج مشاكل الشعر

الأفوكادو مفيد جداً للبشرة والشعر


ودي مكوّنات ماسك "الأفوكادو" للبشرة:

نصف ثمرة أفوكادو "طرية"
معلقة عسل نحل

مغلي زهرة الكاموميل "الشيح"

الطريقة:
قشّري ثمرة البابونج، وشيلي البذرة اللي فيها وخدي القلب بتاعها، واخلطيه مع العسل ومغلي الكاموميل، وحطي الماسك ده على بشرتك وسيبيه لمدة ساعة وبعد كده اشطفيه بالماء الفاتر.


ولو عايزة تعملي به حمام كريم لشعرك ممكن تعملي نفس الطريقة بنفس المكوّنات دي، بس تضيفي عليهم كمية من حمام الكريم اللي بتستعمليه، وتقدري كمان تعملي به حمام زيت بإنك تضيفي على نفس المكونات اللي فاتت مجموعة زيوت مغذية زي زيت السمسم وزيت الجرجير.


يعني ممكن بمنتهى البساطة إننا نعمل الماسك ونحط منه كمية على بشرتنا، وبعد كده نضيف على الجزء الباقي حمام الكريم أو الزيوت وتحطي منه على شعرك.


ملحوظة:

مغلي الكاموميل ده بتعمليه بإنك تجيبي زهرة الكاموميل وتغليها كويس أوي مع شوية مية على النار، والمية اللي بتطلع دي هي اللي بتستخدميها في الماسكات.


بالنسبة لثمرة "الأفوكادو" فلازم تكون طرية، ولو اشترتيها وكانت ناشفة شوية ممكن تسيبيها شوية بره الثلاجة علشان تطرى.
وصفات "رانيا موسى" لعلاج مشاكل الشعر

القهوة مفيدة جداً لعلاج مشكلة تساقط الشعر


تساقط وتقصيف الشعر
لعلاج المشاكل دي، نصحت "رانيا" بعمل حمام زيت للشعر عبارة عن خليط من زيت الثوم وزيت الجرجير وزيت جوز الهند، وبنسيب الخليط ده على شعرنا لمدة 3 ساعات، وبعد كده نغسل الشعر الشامبو المناسب، وبنكرر حمام الزيت 3 مرات في الأسبوع.


أما بقى بالنسبة للناس اللي عندها تقصيف في شعرها من الأمام من عند الجبهة، فبتنصحهم "رانيا" بضرورة تدليك فروة الرأس بزيت حبة البركة المعصورة على البارد، وبنكرر الموضوع ده يوم ويوم، مع عمل حمام الزيت السابق، وكمان أكّدت "رانيا" على ضرورة قص الشعر بشكل دوري للتخلّص من مشكلة التقصيف.


وأضافت "رانيا" إن القهوة كمان مفيدة جداً لعلاج مشكلة تساقط الشعر؛ بسبب مادة الكافيين اللي موجودة فيها، وإن فيه شركات عالمية دلوقتي بتتجه إنها تعمل شامبوهات بمادة الكافيين.


هيشان الشعر
لو كنت بتعاني من هيشان شعرك، فعليكِ بعمل حمامات الزيت أو الكريم اللي بتحتوي على عسل النحل، وبعد غسيل الشعر ندلكه بنقطة أو نقطتين من أي زيت للشعر.


قشرة الشعر

للتخلّص من مشكلة قشرة الشعر ممكن تجيبي زهرة الكاموميل "الشيح"، وتغليها في شوية مية مع زعتر وروزماري، وبعد كده تصفيهم وتاخدي الميه وتدلكِ بها فروة راسك كويس وتسيبيه على شعرك لمدة ساعة، وبعد كده اشطفي شعرك بالمية الباردة.
وصفات "رانيا موسى" لعلاج مشاكل الشعر
الحنة هي أكتر الحاجات الطبيعية التي تساعد على التخلّص من الشعر الأبيض


الشعر الأبيض بسبب الصبغات
الحنة هي أكتر الحاجات الطبيعية اللي ممكن تساعدنا على التخلّص من مشكلة ظهور الشعر الأبيض؛ ولكن علشان الحنة تعمل نتيجة كويسة وتدينا لون كويس لازم نضيف عليها وسط حمضي زي الخل الأبيض أو الليمون، وبنضيف عليها كمان زهرة كاموميل أو قرنفل مطحون أو مغلي، وبنحط الخليط ده على شعر نضيف جداً، وبنسيبه لمدة طويلة على الشعر وبعد كده نغسل الشعر كويس جداً من آثار الحنة.


فرد الشعر المجعّد
نصحت "رانيا" بعمل حمامات بزيت الحلبة أو زيت جوز الهند لفرد تموجات الشعر، لكن مع ضرورة المواظبة عليها.


الروتين اليومي للمرأة العاملة
خصصت "رانيا" جزءاً من وقت الندوة للحديث عن الروتين اليومي الخاص بالمرأة العاملة التي تحافظ به على جمال وصحة وحيوية بشرتها، وأعطت عدة نصائح منها:


1- ضرورة عمل ماسكات خفيفة وسريعة لترطيب البشرة ونضارتها بشكل يومي أول ما يصحوا من النوم وقبل ما يخرجوا، فمثلاً بالنسبة لأصحاب البشرة الجاف ممكن يمسحوا بشرتهم قبل ما ينزلوا بقطنة مبللة باللبن الساقع، ويسيبوه على بشرتهم وبعد كده يغسلوه بمية فاترة قبل ما ينزلوا، أما أصحاب البشرة الدهنية أو المركبة فممكن يعملوا نفس الطريقة، ولكن يستبدلوا اللبن الساقع بعصير الخيار، أما أصحاب البشرة الحساسة فيستخدموا عصير الجزر.

2- ولو ما فيش وقت لعمل عصير الجزر أو الخيار، ممكن نعمل منهم كمية ونحطها في أي زجاجة عطر بالبخاخ، ونحتفظ بها في الثلاجة ونرش منها على بشرتنا كل ما نحتاج، بس ناخد بالنا إن أقصى وقت ممكن نحتفظ فيه بالعصائر دي في الثلاجة هو من 4 إلى 5 أيام، في حالة إن الخيار والجزر يكون طازة وفي حالة جيدة.

3- الاكتفاء بميك أب خفيف لفترة الصبح؛ لأن الميك أب وكريم الأساس التقيل ممكن يعمل بقع على البشرة، وخصوصاً مع التعرّض للشمس، ونصحت باستخدام البودرة السايبة؛ لأنها بتكون أخف على البشرة من البودرة المضغوطة.

4- استخدام الصن بلوك المناسب لنوع البشرة قبل التعرّض للشمس، ونصحت باستخدام صن بلوم فوتو ديرم

5- الاهتمام بالنظافة الشخصية لأقصى درجة، وأن الاستحمام يجب أن يكون بشكل يومي، ومن الأفضل لو كان مرتين في اليوم سواء في الصيف أو الشتاء.

وصفات "رانيا موسى" لعلاج مشاكل الشعر
المشمش له فوائد كتيرة جداً للبشرة والشعر


كما أكّدت على ضرورة الاهتمام بالتغذية الصحية والمتوازنة للحفاظ على صحة ونعومة الشعر والبشرة، ونصحت بضرورة اتباع روتين غذائي يحتوي على:

لتر من الماء طول اليوم.

  • كوب لبن الصبح وبالليل، وبالنسبة للناس اللي بيتبعوا ريجيم ممكن ياخدوا لبن خالي الدسم.
  • كوب زبادي الصبح وبالليل.
  • عصائر فريش زي الخروب والتمر والكركديه والدوم، والتقليل من المشروبات الغازية.
  • المشمش سواء كان فاكهة طازة أو عصير؛ لأن المشمش له فوائد كتيرة جداً للبشرة والشعر، ولو هنشربه عصير يبقى ناخد 4 أكواب في اليوم.


اقرئ أيضاً:
لكل مشكله ببشرتك اعرفى الطرق الطبيعيه مع "رانيا موسى"



وبهذه النصائح ختمت "رانيا موسى" ندوتها عن العناية بالبشرة والشعر..
ونتمنّى إننا نكون جاوبنا على كل أسئلتكم الخاصة بالبشرة والشعر..
إلى اللقاء،،
سوما






-==(( توقيع سومـ سندريلاـا ))==-


أضحك وكني رايق البال خالي
والناس تحسدني وانا أموت بسكات
أقضي نهاري بالمزح والتسالي
واسهر بليلي في هموم معانات
غريبه هالدنيا على كل حالي
الحزن دايم ! والفرح بس لحظات
رد مع اقتباس
قديم 15-06-2010, 01:34 AM رقم المشاركة : 2 (permalink)
معلومات العضو
لالىء
(( مساعده نائبة المديره ))

إحصائية العضو









 
اوسمة العضو
 
ادارية مميزه

تاج ذهبى

تميز فضى

شكر من الاداره


مـجـمـوع الأوسـمـة: 6...) (الـمـزيـد»

لالىء غير متواجد حالياً


 

افتراضي

معلومات روعه ومفيده
سوما
شكرا لك حبيبتى
لكل جديد عندك






-==(( توقيع لالىء ))==-





اللهم اجعل أمـَي و أبى ممن تقول لهما النار : {أعبرا فإننوركما أطفا نــاري }
وتقول لهما الجنه : { أقبلا فقد اشتقت إليكما قبل ان أراكما





رد مع اقتباس
قديم 15-06-2010, 02:38 AM رقم المشاركة : 3 (permalink)
معلومات العضو
مودة
(( مشرفه سابقه ))

إحصائية العضو








 
اوسمة العضو
 
الوسام الفضى

تميز فضى

شكر من الاداره

الفائزه   2فى مسابقة رمضان


مـجـمـوع الأوسـمـة: 6...) (الـمـزيـد»

مودة غير متواجد حالياً


 

افتراضي

راااااااااااااااااااااااااااااائعة
تسلمي لينا يا غالية
ويسلم لنا كل ابداعك
دايما جميلة يا حبيبتي






-==(( توقيع مودة ))==-

عيد سعيد ست ستات


رد مع اقتباس
قديم 17-06-2010, 07:59 PM رقم المشاركة : 4 (permalink)
معلومات العضو
بيرو
(( مشرفه بيوتى سنتر ))

إحصائية العضو








 
اوسمة العضو
 
شكر من الاداره


مـجـمـوع الأوسـمـة: 1...) (الـمـزيـد»

بيرو غير متواجد حالياً


 

افتراضي

تسلمي


شكراً حبيبتى

بانتظار جديدك







-==(( توقيع بيرو ))==-

اللهم توفنى ساجدةِ بين يديك

ஜ۩۞۩ஜ ام جويرية ஜ۩۞۩ஜ
رد مع اقتباس
قديم 25-06-2010, 02:32 AM رقم المشاركة : 5 (permalink)
معلومات العضو
بوسى كات
(( مشرفه صحتك سيدتى ))

إحصائية العضو









 
اوسمة العضو
 
الوسام البرونزى

شكر من الاداره

الفائزه   2فى مسابقة رمضان

تميز ذهبى


مـجـمـوع الأوسـمـة: 4...) (الـمـزيـد»

بوسى كات غير متواجد حالياً


 

افتراضي

تسلمى حبيبتى
فى انتظارجديدك







-==(( توقيع بوسى كات ))==-



رد مع اقتباس
إنشاء موضوع جديد  إضافة رد

الكلمات الدلالية (Tags)
مشاكل, لعلاج, الشعر, رانيا موسى, وصفات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
نشيد ""وصف النبي المصطفى""بصوت طفلة رائعة ..لن تندمي إذا دخلتي مودة الصوتيات والمرئيات الاسلامية 18 26-10-2010 11:04 PM
سلسة حلقات كتاب " لا تحزن " لفضيلة الشيخ " عائض القرني " .... تابعونا !!!!! سكمنس البـيـت الإسـلامـي 28 18-07-2010 02:38 PM
لكل مشكله ببشرتك اعرفى الطرق الطبيعيه مع "رانيا موسى" سومـ سندريلاـا العناية بالبشرة و نضارتها 5 26-06-2010 01:51 AM
" هاري بوتر " و " مفكرة الموت " فتنة الصغار والكبار ، كفر وإلحاد درر مضيئة لا تنشروها 10 15-05-2010 05:39 PM
كتاب "نهاية العالم" لفضيلة الشيخ د.محمد بن عبدالرحمن العريفي .."رائع""..~ حنونه الصوتيات والمرئيات الاسلامية 11 08-02-2010 01:43 PM


الساعة الآن 06:37 AM.


الدعم الفنى للشبكة شركة عرب لاند
Powered by vBulletin® Version 3.8.2
Copyright ©2000 - 2014, Jelsoft Enterprises Ltd
جميع ما ينشر هنا لا تعبر بالضرورة عن رأي ادارة ست ستات ولا تتحمل اى مسؤلية قانونيه حيال ذلك  ( ويتحمل ناشرها مسؤولية النشر)
  يمنع القذف أو التشهير بأي ديانة  او أفراد أو جهات حكومية أو جهات خاصة أو محلات تجارية ونرجو الإبلاغ عن أي موضوع يحوي على أي من ذلك
إن إدارة شبكة ست ستات تخلي مسؤوليتها من أي تعامل تجاري يحدث بين العضوات في أقسام السوق التجارى